Bihar, San Inazio bezperaren bezperan, izango da festetarako etorri diren barraketan merkeago ibiltzeko aukera. Aurtengo Barraka Egunak, gainera, inoiz baino ordu gehiago izango ditu: bihar, 17:00etatik gauerdiraino, 1,50 eurotan salduko dituzte Betharrameko jolastokian jarri dituzten barraketako txartelak.
Bestetik, herenegun arratsaldean bezala, gaur eguerdian ilaretan egoteko arazoak dituzten umeentzat bakarrik irekiko dituzte barrakak, 11:00etatik 12:30era. Aniztasun funtzionala duten herritarrek ere jaietaz goza dezaten udalak Marea Urdinarekin elkarlanean hartutako neurrietako bat da hori; barraketan bertan, era berean, egunero ordubetez kenduko dute musika, entzumen hipersentikortasuna duten herritarrei ere atrakzioetan ibiltzeko aukera emateko.