XV. Zezen Beltz asteburua dela eta, igande arratsaldean sokamuturra izango da, eta hitzordu hori tarteko, herritarrei "arretaz" ibiltzeko eskatu die udalak. 16:30ean aterako da zezena Erdikaletik, eta ohiko ibilbidea izango du sokamuturrak, sansebastianetan eta karnabaletan bezala. Ondorioz, Alde Zaharrean, plazan, Goiko kalean, Errebalean nahiz Artzubian ibiliko da zezena arratsaldean.
Zezen Beltz asteburuaren barruan hainbat ekitaldi izango dira zapatuan eta igandean. Sokamuturra ez ezik, zezen bolaztatuak, Grand Prix-a, txahal eta oilasko dastatzea zein karretoiarekin entzierroa izango dira.
