Sanagustin kulturgunera joan diren herritarrei ongietorria eginda hasi dituzte Sormenean hezi, kulturan bizi jardunaldiak. 70 bat lagun elkartu dira Sanagustin kulturgunean, kultur sorkuntzaren transmisioaz eta hedabideez hausnartzeko.
Erakundeetako ordezkariek zabaldu dute jardunaldia, hain zuzen, Aitor Larrañaga Azpeitiko Udaleko Kultura zinegotziak, Mari Jose Telleria Gipuzkoako Foru Aldundiko Kultura zuzendariak, Aitor Bengoetxea UEUko zuzendariak eta Gotzon Barandiaran jardunaldien sustatzaileak.
Lehen hizlariak Libe Mimenza, Naroa Burreso eta Ane Martinez izan dira, EHUko Nor ikerketa taldeko kideak. Euskarazko kulturgintzaren presentzia hedabideetan azterketaren emaitzak aurkeztu dituzte horiek.
