Arkupehotsak egitasmoaren seigarren edizioa martxan da, eta Kulata taldeak egitasmoaren barruko laugarren emanaldia eskainiko du. Taldearentzat estraineko kontzertua izango da; Sanagustin kulturgunean eskainiko dute, igandean, 13:00etan hasita eta doako sarrerarekin.
Kulatako kideak arte eszenikoan, plastikoan eta musikalean izandako esperientziek elkartu dituzte. Ahotsak, sintetizadoreak, perkusioa, biolina, gitarra, baxua eta idazketa harremanetan jarri dituzte taldekideek, esperimentazioari bide emanez.