Pasang Temba xerpak solasaldia eskaini zuen atzo, osteguna, Soreasu antzokian, dozenaka lagunen aurrean. Ikusmina sortu zuen nepaldarraren hitzaldiak; horren erakusle izan zen antzokira joan zen herritar kopurua.
Txalo zaparradarekin hartu zuten haiek xerpa, eta hark azalpen labur bat emanda, irudien emanaldiari ekin zioten. Tartean, azalpen gehiago eman zituen Tembak; hain zuzen ere, Martin Zabaletarekin batera 1980an Everestera egin zuen espedizioaz aritu zen –Aizarnan bizi den Suku Maya nepaldarrak ekarri zituen haren hitzak euskarara–. Gainera, herritarrek xerpari galderak egiteko aukera izan zuten saioaren bukaeran.
