Jubilatuen Astearen barruan egingo duten Madariaga-Aittola irteera ez da Baigerakoek zapaturako antolatu duten mendi ibilaldi bakarra.
Jubilatuen eta pentsiodunen elkartekoek Pol-Pol eta Irukurutzeta mendietara ibilaldia ere antolatu dute azaroaren 9ko goizerako. Elosura autoz joan, eta handik abiatuko dute mendi ibilaldia, aipatu mendietako trikuharriak-eta ezagutzeko; Elosumenditik itzuliko dira Elosura, hiru ordu eta erdi inguruko mendi buelta osatuz.
Irteera horretan parte hartu nahi dutenek aurrez eman behar dute izena, 685 72 02 72 telefono zenbakira deituta.