Datorren asterako Guraso Eskolen zein Energia Argitu programaren barruan iragarrita zeuden hitzorduak bertan behera utzi dituztela jakinarazi du udalak.
Udalak berak antolatutako Guraso Eskolen bigarren hitzaldi sortaren barruko bigarren hitzaldia, Anai-arreben arteko gatazkak nola kudeatu izenekoa, ematekoa zen Mireia Centeno datorren asteartean, hilaren 19an, Basazabalen. Gipuzkoako Foru Aldundiaren Treba Gurasoak programaren barruko saio hori, ordea, ez dute egingo, "aldundiari dagozkion arrazoiengatik", udalak jakinarazi duenez.
Aldundiaren beste egitasmoa baten barruko ekintza da bertan behera gelditu den bestea ere. Energia Argitu programaren barruan, Etxean energia aurrez dezakezu erosotasunik galdu gabe tailerra ematekoak ziren asteazken arratsaldean Basazabalen, baina saioa egin ahal izateko gutxieneko lagun kopurura ez dira iritsi eta, beraz, ez dute egingo.