Azaroaren 25a, Indarkeria Matxistaren Kontrako Nazioarteko Eguna, egun berezia izaten da Azpeitiko ikastetxeetan ere. Egutegian borobilduta duten data da, eta urtero bezala, aurten ere matxismoaren aurkako jarrera erakusteko hainbat ekintza egin dituzte Iraurgi Ikastetxean, Azpeitiko Ikastola Karmelo Etxegarain nahiz Azpeitiko Ikastola Ikasberrin. Sentsibilizazio ekintzak izan dira guztiak, eta marrazkien bidez edo solasaldien bidez, emakumeenganako indarkeriarekin amaitzeko nahiz parekidetasuna aldarrikatzeko probestu dituzte.