Gabonetako ohiturei jarraiki, Jaiotza jarriko dute ikusgai Frantziskanetako komentuan. Eguberri egunean, hilaren 25ean, irekiko ditu ateak, eta bertan izango da Errege egunera bitarte. Herritarrek goizez nahiz arratsaldez izango dute jaiotza bisitatzeko parada, honako ordutegi honetan: 09:00etatik 13:30era eta 17:00etatik 20:30era.
Parrokiko jaiotza ere ikusgai izango da hilaren 25etik aurrera. Parrokiako jaiotzaren inguruko erreportajea kaleratuko du Gukak datozen egunetan.