Bihar, Gabon egunean, Julian Barrenetxea abesbatzak kalejira egingo du herrian zehar jaiotzarekin. 18:00etan, Perez Arregi plazatik hasiko dute ibilbidea, eta Gabon kantuak abestuz girotuko dituzte kaleak. Honako ibilbidea egingo dute: Perez Arregi plaza, herriko plaza, Goiko kalea, Jose Artetxe kalea, Olazko Andre Mariaren plaza, plaza, Erdikalea eta Perez Arregi plaza.
Aurreko urteetan egin izan duten moduan, aurten ere jaiotzarekin bildutako diru guztia Caritasi emango diote. Julian Barrenetxea abesbatzako kideek azpeitiar guztiak animatu dituzte kantuan parte hartzera.
