Eguberri eguneko mezaren ondoren, eguerdian, ireki zuten Azpeitiko Soreasuko Sebastian Donearen Parrokiako jaiotza, eta ordutik, hainbat herritarrek bisitatu dute. Datozen egunetan ere izango da bisitatzeko aukera; hain zuzen ere, Errege egunera bitartean izango da ikusgai.
Azaroaren aurrenean hasi zen hura muntatzen jaiotzaz arduratzen den boluntario taldea. Tartean, baditu bere-bereak dituen pertsonaiak jaiotzak: Periko Motxala eta zerrategiko Kontxexi. Astelehenetik igandera irekitzen dute parrokiako jaiotza; astelehenetik igandera, 17:30etik 20:00etara, eta igandeetan, berriz, eguerdian meza bukatu ostean ere zabaltzen dute.
Hemen irakur daiteke jaiotza muntatzen duen boluntario taldearekin hedabide honek egindako erreportajea.