San Sebastian egunean, urtarrilaren 20an, 12:30ean hasita izango da haurren danborrada Aranetik eta Artzubiatik irtenda. Ekitaldi horretan hamar taldek parte hartuko dute, eta gaur egin dute lehenengo entsegua, 16:00etan hasita, Izarraitz pilotalekuan. Haurrek prestaketako hiru saio egingo dituzte, eta hurrengo entseguak bihar eta etzi izango dira, ordu eta leku berean.
San Sebastian bezperako, hilaren 19ko, helduen danborradako lehen entsegua ere gaur egingo dute, 21:00etan hasita, Izarraitz pilotalekuan. Gainontzeko beste bi entseguak bihar eta etzi izango dituzte.