Joan zen ostiralaz geroztik, Santa Ageda festetan murgilduta izan dira Matxinbentan. Ostiralean mus txapelketa, larunbatean haurrentzako ekintzak nahiz bertso afaria eta igandean herri kirol saioa izan zituzten, eta saio guztietan jende ugari elkartu zen. Gaur, berriz, Santa Ageda egunez, ohikoak dituzten meza eta hamaiketakoa egin dituzte. Mezetan, Azpeitiko koruak abestu du eta Ignacio Arakistainek jo du organoa.