Pasa den ostiralean egin zuen Altxa Buruak Gipuzkoako VI. Topaketa Azpeitiko Azoka Plazan.
Topaketa jendetsua izateaz gain, indarrak batzeko eta lanean jarraitzeko motibazio dosi bat ere izan zelakoan gaude. Horregatik, Azpeitiko Aurrez Aurre taldeak bere esker ona adierazi nahi die orain arteko ibilbidean bidelagun izan dituenei; hala nola Azpeitiko Udalari, Azpeitiko Ikastola Karmelo Etxegarairi, Urola Ikastola BHIri, Iraurgi ikastetxeari eta Azpeitiko Ikasberri Ikastolari, guraso elkarteei, Bertan merkatari elkarteari, herriko kirol elkarteei eta, nola ez, ekimen honen parte zareten norbanako bakoitzari.
Zuen guztion laguntzarik gabe ez genukeen lortuko herritarren kontzientzian hainbeste eragitea. Beraz, aurrerantzean ere jarrai dezagun ilusioz, elkarri eskutik helduta, guztion ongizatearen alde.