Karnabal girorik ez dago momentuz Azpeitiko kaleetan, baina inauteri koloreak, jantziak eta apaingarriak ez dira falta.
Besteak beste, udaletxeko balkoiak eta leihoak koloredun zapiz jantzi dituzte Ostegun Gizen honetan, eta herriko saltoki askotako erakusleihoetan ere nabaria da karnabaletako ukitua; sokamuturrerako babes hesiak ere itzuli dira kaleko zezenaren ibilbidera.
Bihar, euskal inauterien jaialdiarekin eta Bandakoen guatekearekin, estreinatuko dute egitaraua karnabalek, eztanda handia igandean etorriko den arren,. Baina aurreko urteetan bezala, gaur iluntzean ere izango da Ostegun Gizena ospatuko duenik.