Elegante Eguna ari da poliki-poliki aurrera egiten. Goizean bezala, arratsaldean ere ez da falta izan festarik: batetik, LGTBI+ kolektiboak eta udalak sustatuta, Astindu armayuek egitasmoa izan dute aukeran herritarrek. Gaurko eguneko berrikuntza nagusia izan da Azoka Plazan egin duten festa; goraino bete da gunea. Bestetik, gaurko egunez ohikoa den sokamuturra ere izan da, eta jende ugari bildu da kalerik kale egindako egonaldietan.
Gaurko eguna musikarekin borobilduko dute azpeitiarrek. 19:30ean hasita, Gauerdi txaranga ibiliko da kalerik kale. Plazan, berriz, Obaneuke musika taldeak erromeria eskainiko du. 20:00etan iritsiko da, azkenik, Skapaie elektrotxarangaren kalejira. Jai Karnabalari azken ukitua eman nahi dionak izango du horretarako aukera.
Hona hemen Elegante Eguneko azken hitzorduak:
- 19:30. Gauerdi txaranga.
- 19:30. Obaneuke taldearekin erromeria, plazan.
- 20:00. Skapaie elektrotxaranga.