Azpeitiko Gure Eskuk batzar irekia egingo du datorren asteartean, martxoaren 25ean, 18:00etan. Basazabal jauregiaren bigarren solairuko aretoan egingo dute bilera, eta hitzorduan parte hartzera deitu dituzte herritarrak.
Euskal Herriaren burujabetzaren eta nazio aitortzaren borrokan bidelagunak elkartzeko erronka duen Herri libre bat dinamika aurkeztu zuen jendaurrean martxoaren 5ean, Azpeitiko Gure Esku taldeak, Azoka Plazako aretoan. Izan ere, ekainaren 7an Bilbon egingo den manifestazioari begira eskualdeko batzordeak indartu nahi ditu Gure Eskuk.