Elizkalean Korputz jaiak ospatzen hasi dira. Aurten, gainera, festen 50. aldia dute, eta are bereziago biziko dituzte Alde Zaharreko kale horretako ospakizunak. Joan den astean erratz txapelketa jokatu ostean, atzo, ostegunez, jaiei ekin zieten, eta 19:00etan, meza egin zuten kaleko hildakoen alde, gitarra doinuen artean. Ondoren, berriz, Enaitz eta Erkizi trikitilariak aritu ziren zuzenean, Mendizale tabernaren aurrean, eta jendetza bertaratu zen.
Hone hemen datozen egunetako egitaraua:
Gaur, ostirala
- 18:00. Juan Antxieta musika eskolako gaztetxoen kalejira.
- 19:00. Kantu Jirakoen kalejira.
- 20:30-23:30. Porru DJaren emanaldia.
Bihar, larunbata
- 13:00. Itsasi taldeko dantzariak.
- 19:30. Trikitilarien kalejira.
- 20:00. Lagunarteko afaria, Mendizale tabernan.
- Afarirako izena tabernan bertan eman behar da.
- 22:30. Imuntzo eta Belokiren emanaldia.
- 24:00. Zozketako zenbaki sariduna aterako dute.