Azpeitiko Udalak bat egin du UEMAk bihar eguerdirako deitu duen elkarretaratzearekin. Espainiako Auzitegi Gorenak, Voxen helegitea berretsi eta EAEko Udal Legearen hainbat artikulu baliogabetu dituelako deitu ditu kontzentrazioa Udalerri Euskaldunen Mankomunitateak; 12:00etan izango dira bilkurak, mankomunitateko bazkide diren udalerrietako udaletxeen atarietan.
Azpeitiko Udala UEMAko kide da, eta erakundeak azaldu duenez, "zuzenean" eragiten dio epaiak. Udalak bat egin du mankomunitateak atzo, ostegunez, Zarautzen egindako agerraldian adierazitakoekin, eta "kaltetu gisa" bat egiten du euskararen eta euskaldunen eskubideen defentsan deitutako kontzentrazioekin.
Herritarrei, euskaltzaleei nahiz euskalgintzako eragileei erasoa salatzeko eta euskararentzat justizia eskatzeko deia egin die erakundeak.
