Azpeitia prest da Santio Eguna ospatzeko, eta ostiralerako ondu duten jai egitarauaren barruan, esku pilota izango da aurreneko protagonista; izan ere, 10:00etan hasita jokatuko dituzte 40. Cesar Valverde pilota txapelketaren finalak, Izarraitz pilotalekuan.
Guztira, zazpi final jokatuko dituzte ostiralean aurtengo txapelketan parte hartu eta azken partidaraino heldu diren hogei neska-mutilek. Lau mailatan banatuta, buruz buruko nahiz binakako finalak izango dira ikusgai herriko frontoian. Hain zuzen, aurre-benjaminen, benjaminen eta kimuen mailako bina final izango dira, eta haurren mailako bat.
Hona hemen ostiraleko zazpi finalak:
Aurre-benjaminak:
- Xanti Labaka - Enaitz Peñagarikano
- Ekaitz Iriarte eta Jakes Iriarte - Riyad Jaooune eta Aiur Olaizola
Benjaminak:
- Mikel Gurrutxaga - Xabier Aizpuru
- Martin Egiguren eta Iraitz Aranaga - Luka Aizarna eta Dhilan Kabilan
Kimuak:
- Urritz Aizpuru - Maddi Gurrutxaga
- Ekhi Zendoia eta Xuban Arandia - Jone Mendizabal eta Janitz Goenaga
Haurrak:
- Adei Lizarralde - Aiurdi Peñagarikano