Santio eta saninazio jaien egitarauaren barruan, Umeen Eguna ospatzen ari dira gaur Azpeitian. Goizean Euskal Herritik nahiz kanpotik bertaratutako erraldoi ugarik hartu dute herria, eta ondoren, haurren eta gaztetxoen bazkaria izan da Azoka Plazan. Makarroiak, izozkia... jan dituzte haurrek, eta tripa ondo bete dutenean, jolaserako tartea hartu dute. Hain zuzen ere, era askotako jolasak egin dituzte Alde Zaharrean.