Udal Musika Bandak pasodobleen kontzertua eskaini zuen atzo, igandea, herriko plazan. Musikariak kioskoaren babesean aritu ziren, eta herritarrak haien aurrean jarritako aulkietatik, arkupeetatik eta terrazetatik egon ziren haien doinuak entzuten.
Dagoeneko ohitura bihurtu du Udal Musika Bandak saninazioak baino egun batzuk lehenago herriko plazan pasodobleen emanaldia eskaintzea. Atzokoa, saninazioetako txupinazoa lehertu aurretik gaur eta bihar izango diren atseden egunen aurreko azken ekintza izan zen. Beñat Etxabe zuzendariaren aginduetara aritu ziren musikariak, eta ohi bezala, gau atsegina eskaini zieten haiek guztiek azpeitiarrei.