Haizea Uranga futbolariak Bartzelonako Europa taldean jokatuko du 2025-26 denboraldian. Gracia auzoko taldea da Europa, eta Uranga hango emakumeen lehen taldean ariko da, Espainiako Hirugarren Mailan.
23 urte ditu azpeitiarrak, eta Realean aritu da 2018az geroztik –ordura arte Lagun Onaken jokatzen zuen–, batez ere emakumeen bigarren taldean. Dena den, lehen mailan egin zuen debuta 2023ko urriaren 8an, Bartzelonaren kontra.
Azken denboraldian Realeko bigarren taldean jokatu du azpeitiarrak; hemeretzi norgehiagoka jokatu ditu, horietatik 11 partidatan hasierako hamaikakoan, eta gol bat sartu du.