Urte batzuetako etenaldiaren ostean, bueltan da Front Oi! Txiki Fest. Faxismoaren aurrean, kaleak hartu lelopean antolatu dute jaialdia, eta garai bateko ohiturari eutsiz, bihar izango da, hilak 30, Frontoi Txikiaren alboan. 18:30ean hasita, lau taldek joko dute; hain zuzen ere, Bergarako (Gipuzkoa) Cold Revenge, Azpeitiko Jipoituak, Oiartzungo (Gipuzkoa) Yakovlev 42 eta Oñatiko (Gipuzkoa) Inguma taldeek.
Eguraldi oso txarra egingo balu, kontzertuak Frontoi Txikian egingo dituztela esan dute antolatzaileek, baina, printzipioz, pilotalekuaren alboan izango dira.