Santioetan eta saninazioetan zabalik izan da Gukaren tonbola, eta txartel guztiak salduta, aurreikusitakoa baino lehen, atzo arratsaldean, itxi zituzten haren ateak. Hainbat sari banatu ditu egunotan Gukak: pinak, margoak eta melokotoi poteak barra-barra, baina baita sari potoloak ere: patinete elektrikoak, bizikletak, Play Stationa... Ohikoa den moduan, tonbolan zozketa egin ostean itxi zuten atzo, abuztuak 1, tonbola. Ordenagailu eramangarri bat eta bi asteburu-pasa zozkatu zituzten, eta hauek izan ziren zenbaki sarituak:
1. saria: Softekinen ordenagailu eramangarria
- Zenbaki saritua: 05550
- Ordezko zenbakia: 03773
2. saria: Halcon Bidaiaken asteburu-pasa
- Zenbaki saritua: 14918
- Ordezko zenbakia: 14683
3. saria: Azulmarinoren asteburu-pasa
- Zenbaki saritua: 08816
- Ordezko zenbakia: 05294
Sariak Azpeitia Gukaren bulegoan jaso ahal izango dira abuztuaren 25etik aurrera, Dinamoa sormen guneko lehen solairuan.
