Azpeititik Xoxoterako bidean duela aste batzuk izandako luiziaren eta horrek eragindako kalteen berri eman zuen herritar batek Gukan. Atzo, berriz, luizia izandako gunea txukuntzen eta zabaltzeko ahaleginean ari zela jakinarazi zuen udalak.
Luiziaren ondorioz tarte horretan ibiltzea arriskutsuago bihurtu denez, kontuz ibiltzeko ohartarazi zien herritarrei erakundeak atzoko oharrean eta, era berean, kaltetutako gunean mendizaleak errazago eta seguruago ibiltzeko alanbrezko helduleku bat jartzekoa zela aurreratu zuen. Gaur bertan jarri dute helduleku hori, udalak bidalitako argazkian ikusten den gisan.