Aurkezpen jendetsua izan zen atzo arratsaldekoa Dinamoa sormen guneko soinuaren eremukoa. Isildu aurretik poesia liburua argitaratu du Mikel Alberdik, eta atzo aurkeztu zuen, herrian, herrikide eta lagunen aurrean, irakurketa musikatu formatuan.
Alberdik berak eta Jose Luis Otamendik irakurri zituzten Isildu aurretik-en jasotako hainbat poema, Aitor Huergoren gitarra doinuek lagunduta, aretoa beteta, aurkezpena eta emanaldia adi-adi jarraitu zuen ikus-entzulegoaren aurrean.
Aurkezpenera joandakoak Alberdiren liburu berriaren aleekin itzuli ziren etxera. Aurkezpenearen aurretik iragarri zuen bezala, liburua ez du salgai jarriko egile azpeitiarrak; Isildu aurretik-en ale bat jaso nahi dutenek, Alberdiri mikelalber@gmail.com helbidera idaztea besterik ez dute.