Atzo gosari osasuntsuen inguruan ikasi zuten Azpeitiko Ekoetxean bildutako haur eta helduek. Gaurkoan, berriz, Gabonetarako prestaketetan jardun dute, eta apaingarri jasangarriak sortu dituzte Ekoetxean bildu direnek, Arte eta Diseinu Ikastegikoek gidatuta.
Basoa oinarri hartuta egin dituzte Gabonetako apaingarriak, berrerabilitako materiala erabiliz. Era horretan, sormena, ingurumen ikaskuntza eta familia lana uztartu dituzte.
