Atzo gauean auto batek su hartu zuen Balentina Agirre plazako lurpeko garajeetan, eta zenbait kalte eragin zituen azpiegituran. Gauerdiaren bueltan lortu zuten suhiltzaileek garajean piztutako sua kontrolatzea.
Gaur goizean hasi dira udal langileak, Udaltzaingoa, Ertzaintza eta suhiltzaileak sutearen eraginak neurtzen, eta lanok bukatu bitartean bizilagunek ezingo dute garajeetara sartu. Gainera, segurtasuna bermatzeko xedez, hainbat etxebizitzatan gasa moztu dute.
Udalak azaldu duenez, Udaltzaingoa Balentina Agirre plazaren inguruan dago, bizilagunei lagundu ahal izateko, eta zalantzarik izanez gero, herritarrek 943-15 13 13 telefono zenbakira dei dezaketela gogorarazi du erakundeak.