Joan den larunbatean emakumeei zuzendutako bigarren entrenamendu saioa izan zen V. Domusa Teknik 40 MLK lasterketaren antolatzaileek antolatuta. 40 emakume inguruk parte hartu zuten prestaketa saioan, 08:30ean elkartu ziren Azpeitiko igerilekuaren aurrean, eta hamabi kilometroko ibilbidea egin zuten Izarraitz magalean barrena, hain justu harrobitik joan-etorria egin zuten. Korrika saioaren ondoren, hamaiketakoa eginda, Efik zentroko Julen Ansoalderekin eta Josu Larrañagarekin Erresistentzia eta indarra uztartuz hitzaldia izan zuten entrenamenduko parte hartzaileek Mendietxe museoan, eta Joma etxeak eta Loiola hoteleak emandako bi zozketatan parte hartu zuten.
Emakumeei zuzendutako hirugarren entrenamendu saioa urtarrilaren 10erako dute antolatuta Domusa Teknik 40 MLKen antolatzaileek.
Emakumeei zuzendutako entrenamendu saioa joan zen larunbatean. (Alberto Beloki)