Lanbidearteko Gutxieneko Soldata (GLS) Hego Euskal Herrian erabakitzea aldarrikatzeko, martxoaren 17an grebara deitu dute ELA, LAB, Steilas, Etxalde eta Hiru sindikatuek Hego Euskal Herrian. Sindikatuek azaldu dutenez, deialdia Nafarroako Parlamentuaren eta Eusko Legebiltzarraren "eraso antidemokratikoari" erantzuteko egin dute, horiek ez dutelako onartu LGSari buruz eztabaidatzea.
Deialdi horren harira, ELAk eskualdeko ordezkariei eta militanteei zuzendutako batzarra antolatu du. Martxoaren 3an egingo dute bilkura, Azoka Plazako goiko aretoan, eta bileraren ostean, elkarretaratzea egingo dute plazan. Hain zuzen ere, 12:00etatik 12:30era bitartean gauzatuko dute elkarretaratzea.