Datorren astearterako, martxoaren 17rako, greba orokorrera deitu dute hainbat sindikatuk Hego Euskal Herrian, eta deialdi horrekin bat egin dute udal langileek. Ondorioz, itxita izango dira egun horretan udaletxea eta gainerako udal eraikin nahiz zerbitzu guztiak, hala nola igerilekua, kiroldegia, liburutegia, euskaltegia, ludotekak, Gaztelekua nahiz Emakumeen Txokoa.
Dagoeneko egin dituzte grebaren bueltako bozkaketak herriko hainbat enpresatan, nahiz eta gaur ere hainbatetan erabakiko duten deialdiarekin bat egin edo ez. Gaur-gaurkoz, Greba Batzordeak emandako datuen arabera, honako eragile nahiz enpresa hauek batu dira grebara: Ikasberri Ikastola, Kulturaz kooperatiba, Ia Tecnica, Biele, Elikagunea, Elkargunea, Arimar, Elmubas, Corrugados Lasao, Astigarraga Kit Line, Mendiaraiz, Glual eta Sammic.
Bestalde, greba tarteko, astearteko ohiko azoka astelehenean izango da.
Auto karabanak
Grebaren atarian, Azpeitiko batzordeak deituta, gaur eta astelehenean auto karabanak egingo dituzte Antzibarrena industrialdetik abiatuta.