Aurkia Egiguren V.arentzat eta ifrentzua Alberdi II.arentzat. Buruz Buruko B Serieko txapelketaren final laurdenetako ligaxka emaitza kontrajarriekin hasi dute azpeitiarrek. Ostiralean, Azkoitiko Gurean, 22-15 galdu zuen Unai Alberdik Iñaki Rekalderen kontra. Julen Egigurenek, aldiz, garaipenarekin ekin dio ligaxkari; atzo, Iruñeko Nafarroa Arenan, 22-16 gainditu zuen Asier Agirre.
B Serieko buruz burukoaren multzo berean, A multzoan, ari dira lehiatzen bi azpeitiarrak. Datorren asteburuan, ligaxkaren bigarren jardunaldian, elkarren kontra ariko dira lehen jardunaldiko irabazleak, batetik, eta galtzaileak, bestetik. Horrela, Agirrerekin neurtuko ditu indarrak Alberdik (ostiralean, Gernikako Santanapen), eta Rekalde izango da Egigurenen aurkaria (igandean, Gasteizko Ogetan). Ligaxkako azken jardunaldian ariko dira nor baino nor Egiguren eta Alberdi.