Igande arratsaldean, 17:00etan, partida garrantzitsua du Lagun Onaken gizonen lehen taldeak Garmendipen: Espainiako Bigarren Federazio Mailara igotzeko lehen kanporaketako joaneko partida, Derioren kontra. Klubaren zuzendaritzak partida bertatik bertara ikustera jende asko joatea espero du, eta horregatik, sarrerak aurrez erosteko aukera emango du. Hain zuzen ere, asteazkenean, ostegunean eta ostiralean, 18:30etik 20:00etara, zabalik egongo da Garmendipeko leihatila. Sarrera orokorrak 15 euro balioko du; bazkideenak eta jubilatuenak, 10 euro; jubilatuta dauden bazkideenak, 5 euro; eta 18 urtez azpikoek doan sartzeko aukera izango dute.
Lagun Onaken igandeko partidarako aurrez erosi ahal izango dira sarrerak
Lagun Onaken gizonen lehen taldeak igande arratsaldean jokatuko du igoera faseko lehen kanporaketako joaneko partida, Garmendipen, Derioren kontra, 17:00etan hasita. Sarrerak erosteko, Garmendipeko leihatila zabalik egongo da asteazken, ostegun eta ostiral arratsaldean, 18:30etik 20:00era bitartean.
Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide