Ezkuztako zubia trafikoafentzat irekita dago berriz ere. Zubia egonkortzeko urtarriletik egiten ari diren lanak tarteko, eta martxo erdialdean egin zuten antzera, asteburu honetan zubia erabat itxita eta Madalenako sarbidea ere ibilgailu pribatuentzat itxita egongo zirela iragarri zuen aldundiak. Hain zuzen ere, gaur 06:00etatik bihar 22:00ak arte ziren bi errepide zatiak itxita egotekoak; baina martxoan gertatu zenaren antzera, aurreikusitakoa baino askoz denbora gutxiago behar izan dute lanak bukatzeko eta, horrenbestez, berriro erabilgarri daude zubia bera zein Madalenako bide zaharreko sarbidea.
Hori bai, lanak hasi zituztenetik bezala, oraindik ere semaforo bidez txandakako pasoa emanez igaro ahalko dute ibilgailuek Ezkuztako zubia. Azpiegitura hori berritzeko lanak iragarri zituztenean, obra osoa bukatzeko sei hilabete beharko zituztela esan zuten foru arduradunek. Aurreikuspen hori betez gero, beste hilabete bat beharko dute lanak bukatzeko.