Joan den asteburuan Pirinioetara irteera egin zuten Lagun Onakeko 25 mendizalek. Ostiral arratsaldean abiatu ziren Azpeititik, eta Portaleten igaro zuten gaua. Hurrengo egunean, handik abiatuta, Col se Soques ibilbidea osatu zuten horiek, bidean zehar bazter zoragarriak ikusiz eta eguzkiaz gozatuz. Larribet aterpean amaitu zuten eguneko txangoa. Igandean, berriz, Larribetetik atera eta Respumoso aterpetik igarota, Sallent de Gallegon amaitu zuten asteburuko ibilaldia.
Pirinioetara egindako irteerako argazki gehiago honako lotura honetan ikus daitezke.
Europako Mendietara egingo dute hurrengo irteera Lagun Onakeko mendizaleek, uztailaren 18 eta 19ko asteburuan. Izen ematea irekita dago jada.