Uztailaren 26an, igandez, ospatuko dute Umeen Egun Arroxa Haujijijai festa batzordeak antolatuta. Bertan parte hartzeko izen-ematea martxan egon da bi egunez, eta gaur arratsaldean itxiko dute horretarako epea. Hain zuzen, 17:00etatik 20:00etara egongo dira plazan Haujijijaiko kideak izen-emateak jasotzen. Haurrek egunean bertan jasoko dute kamiseta arrosa.
Datozen egunetan jakinaraziko dituzte uztailaren 30eko herri bazkarirako txartelen salmenten, Bakailao Txapelketako eta Kuadrillen Arteko Olinpiadetan izena emateko egunak.
Umeen Egun Arroxako egitaraua:
- 13:30: Harrera, plazan.
- 14:30: Bazkaria, Azoka Plazan.
- 15:30: Jolasak, Alde Zaharrean barrena.
- 17:00: Kalejira.
- 17:30: Amaiera.