Saninazioen atarian urtero egin ohi duen gisan, herriko saltokietan erosketak egin dituzten bezeroen artean hainbat sari zozkatu ditu Bertan merkatari elkarteak, eta dagoeneko banatu dituzte sari guzti-guztiak. Azpeitiko saltokietan eta bestelakoetan gozatzeko hamar esperientzia bikoitz, jaietako eskuzko pilota partida profesionaletarako sarrerak nahiz zezenketetarako sarrerak irabazi dituzte herritarrek.
Eskerrik asko egunero-egunero Azpeitiko dendetan erostea aukeratzen duzuen guztioi. Zuen konfiantzari esker, gure herriko merkataritza bizirik eta indartsu mantentzen da.