Madalenako berdegunean pasieran ibiltzen den herritar batek bere kexa azaldu du, berdegunerako bidetxurra belar luzez inguratuta dagoelako, eta parkea bera ere txukundu gabe dagoelako: "Sasiak eta belarrak hazi-hazita daude, mozteko premia ederrarekin. Gainera, festetan jendeak toki horretara joko du eta zikinkeria gehiago pilatuko da".
Madalenako berdegunea orain dela bi urte, 2024ko uztailean, ireki zuten eraberrituta Gipuzkoako Foru Aldundiak eta Azpeitiko Udalak. Ikastetxeentzako hezkuntza leku eta aisialdirako zein turismorako toki gisa aurkeztu zuten eremu berdea.