Pasa den urriaren 8tik 10era, Oroimen eta Bakearen Kultur Zentroa V. Fasea izeneko proiektuaren baitan, Latinoamerikako Nazioarteko Antzerki Eguna ospatzeko kultur ekitaldi bat antolatu zuten Fundabrilek eta Aurora antzerki batzordeak.
Ekitaldia El Salvadorreko antzerkia mendeetan zehar erakusketa grafikoaren inaugurazioarekin hasi zen, ondoren El Salvadorreko antzerkiaren identitateari buruz eztabaidatu zutn, eta Zapalduen antzerki teknikak gaia hartuta, bi tailer egin zituzten. Jarduera guztiak San Salvadorreko Unibertsitate Pedagogikoaren kanpusean egin zituzten.
Ekitaldia Fundabrilek eta Aurora antzerki batzordeak antolatu zuten, eta hamarkadetan zehar arte mota hau bizirik mantendu duten Salvadorreko aktoreak omendu zituzten.
El Salvadorreko antzerkia mendeetan zehar erakusketa grafikoak izan zuen harrera positiboa ikusita, Fundabrilen egoitzan ikusgai egon da azaroaren 24ra arte.
Eskerrak eman nahi dizkiegu ekitaldi hau posible egin duten guztiei, eta bereziki Azpeitiko herritarrei eta udalari, emandako laguntzagatik.