Gipuzkoako Taldezkako Xake Ligaren seigarren jardunaldia jokatu zuten larunbat arratsaldean, eta oraingoan, Azpeitiko bi taldeak etxean aritu ziren. Lehen mailako taldeak, Altuna y Uria A taldeak alegia, Legazpiko Santikutz A taldearen aurka jokatu zuen, eta 2-2 emaitzarekin bukatu. Miguel Angel Gomez Montecelok irabazi egin zuen; Jose Andres Perezek eta Eneko Alberdik berdindu egin zuten; eta Patxi Isasmendik galdu egin zuen. Horiek horrela, zortzi punturekin, sailkapeneko bosgarren lekuan da taldea, lehen fasea amaitzeko jardunaldi bakarraren faltan. Datorren larunbatean jokatuko dute hori, Aretxabaletan, Arrasate-Arlutz taldearen kontra.
Hirugarren mailan aritzen den Altuna y Uria B taldeak, berriz, 2,5-1,5 emaitzarekin bukatu zuen jardunaldia Debako San Roke taldearen kontra. Alejandro Monasteriok eta Alex Francok irabazi egin zuten; Iñaki Urangak berdindu egin zuen; eta Caleb Solorzanok, galdu. Horrenbeste, 13,5 punturekin, sailkapeneko seigarren lekuan da taldea, laugarrenarekin berdinduta. Datorren larunbatean Bergaran lehiatuko dira hori,Zaleak B taldearen kontra.