Altuna y Uria A taldeak liga amaiera estua izan zuen, baina mailari eustea lortu zuen. Beraz, Gipuzkoako Taldekako Ligaren Lehen Mailan lehiatuko da beste urtebetez, azken jardunaldian Hondarribian aurkako emaitza izan arren.
2,5 eta 1,5 galdu zuen Azpeitiko taldeak Hondarribian. Miguel Gomezek eta Andres Perezek galdu egin zituzten beren partidak, eta Eneko Alberdik eta Patxi Isasmendik lortu zituzten mailari eusteko puntua eta erdia.
Emaitza ona da klubarentzat taldekako ligan eskuratutakoa. Jokalari berriak eta gazteak astelehenero eta ostegunero joaten dira Baigera I eraikineko laugarren solairura 18:00etan, piezen eta taulen artean denbora luzea pasatzera.
Xakean jokatzea gustatzen zaienak zein hasiberriak animatu nahi ditugu kirol polit honetaz gozatzera eta parte hartzera.
Hurrengo txapelketa Donostiako Opena izango da, eta klubeko jokalari batzuk joango dira bertara.