Victor Drahushchak eta Alex Franco xake jokalariek joko onarekin eutsi zioten aurkari indartsuei zapatuko partidetan, baina emaitza ez zuten aldeko izan. Azken jokaldian ez zituzten behar bezain ondo aukeratu, eta galdu egin zuten biek ala biek. Aldiz, Julen Azpillagak eta Aitor Elustondok garaipenaren puntua lortu zuten, partida onak egin ostean.
Alex Francok bezala, zapatuko lehian ez zuen punturik bildu Caleb Solorzanok eta, ondorioz, bigarren kategoriara igotzeko aukerarik gabe geratu dira bi xakelariak.
Drahushchak eta Azpillaga bai, zapatuan Azkoitian jokatuko duten finalean elkarren aurka arituko dira. Partida zirraragarria izango dela aurreikus daiteke, izan ere, irabaztea komeni zaie biei, berdinketarekin aukera gutxi izango bailukete bigarren kategoriara igotzeko.