Andres Perez Azpeitiko xake jokalariak Elgoibarko (Gipuzkoa) Mintxeta torneoa irabazi zuen pasa den asteburuan. Garaipen berezia izan zen, txapela Markel Kerexeta aurkariarekin partekatu baitzuen. 7 puntutik 6,5 erdietsi zuten biek ala biek, eta antolakuntzak erabaki zuen biak izendatzea garaile.
Aitor Elustondok eta Eneko Alberdik ere parte hartu zuten Elgoibarko torneoan, eta fin aritu ziren biak.
Bestalde, Elorrion (Bizkaia) jokatutako azken torneoan, Haitz Segurolak bigarren postua erdietsi zuen, eta partida onak eginda itzuli zen Alex Franco Irungo (Gipuzkoa) lehiaketatik.