Hamalau urte azpiko xake jokalariek Gabonetako txapelketa jokatu zuten atzo, larunbata, Azpeitiko Oilo Soro elkartean. 26 xakelarik parte hartu zuten torneoan, eta paretsu aritu ziren guztiak ere: lehenengo zortzi klasifikatuen artean, soilik puntu bateko desberdintasuna izan zen.
Are, horietako hiruk 5 puntu lortuta berdindu zuten, eta berdinketa hausteko partidak jokatu behar izan zituzten podiumaren hurrenkera argitzeko. Azkenerako, Ibai Gallastegik irabazi zuen txapelketa, Julen Azpillagak bigarren egin zuen eta Luken Pascualek hirugarren.
Bestalde, Alex Franco Azpeitiko xake jokalaria emaitza onak lortzen ari da Villablancako (Huesca) txapelketan. Bi jardunaldien faltan, klasifikazioaren erdialdean kokatzea lortu du.