Azpeitiko lehen mailako xakelariek puntu bat eskuratu dute asteburuan, Beasainen jokatutako Taldekako Xake Ligako jardunaldian. Ez da emaitza txarra; izan ere, mailaz igotzeko faborito nagusiaren kontra neurtu zituzten indarrak.
Patxi Isasmendik eta Andres Perezek berdinketa lortu zuten, eta Eneko Alberdik nahiz Aitor Elustondok galdu egin zituzten jokalari beasaindarren kontrako neurketak.
Hirugarren mailako taldeak, berriz, 1 eta 3 irabazi zuen Eibarren. Iñaki Urangak eta Alex Francok irabazi egin zituzten partidak, eta Eneko Oregik nahiz Caleb Solorzanok berdinketa eskuratu zuten.
Datorren asteburuan Azpeitian jokatuko dute jardunaldia bi taldeek.