Azpeitiko Xaputarrak taldeko kideak Kantabriako Xake Federazioak eta Santanderko Udalak antolatutako hitzorduan izan ziren joan zen maiatzaren 2an. Eskolarteko jaialdia izan zen larunbatekoa, eta 1.500 bat lagunek parte hartu zuten, mailaz maila banatuta.
Azpeitiko hiru ordezkari izan ziren han: Victor Drasushchak, Mattin Txurruka eta Alex Franco. Drasushchak eta Franco 20 urtez azpikoen lehian aritu ziren, eta hurrenez hurren, bederatzi partidatan lau eta hiru puntu batuta, 46. eta 69. sailkatu ziren. Franco, berriz, 14 urtez azpikoen mailan aritu zen, eta sei puntu eskuratuta, 38.a izan zen sailkapenean –150 lagunek parte hartu zuten maila horretan–.