Sanjuandegiko festen barruan, Mantangorri xake txapelketa herrikoia jokatu zuten joan den larunbatean , igerilekuko aterpean. 50 xakelarik parte hartu zuten, bi mailatan banatuta: 12 urtez azpikoak eta seniorrak. Xakean jokatuz, goiz ederra pasatu zuten bertan bildutako xakelariek.
12 urtez azpikoetan Julen Larrañagak ez zuen aurkaririk izan, eta zazpitik zazpi partida irabazi zituen. Luken Pascualek egin zuen bigarren eta Haizea Mendizabalek hirugarren.
Seniorren mailan, berriz, Aitor Bravo Elorriokoa (Bizkaia) izan zen txapelduna. Bigarren postuan Juan Carlos Valor gelditu zen, eta hirugarren postuan bost jokalari berdinduta gelditu ziren; haien artean Aitor Elustondo azpeitiarra.