Iritsi da Lardaxka sexualitate, genero eta bikote aholkularitza zerbitzua herriratzeko eta zabaltzeko asmoz egindako sei bideoetatik azkena. Astero, aholkularitzan ohikoak diren gaiak izan dituzte hizpide Erika Olaizola eta Xanti Agirrezabala aktoreek, Azpeitiko Udalaren Parekidetasun sailaren ekimenez.
Aurreko bideoan sexu praktiketan seguruago sentitzearen inguruan aritu ziren horiek, eta oraingoan, aldiz, norberak norbere buruarekin plazera lortzeaz.
Lardaxka zerbitzua herritar orori dago zuzenduta, eta bi astean behin, astearteetan, eskaintzen da, goizez zein arratsaldez. Hitzordu bat hartu nahi duenak 688 75 10 00 WhatsApp zenbakira mezua idatzi behar du edota 943-15 70 55 telefonora deitu.