Erreportajeak

Baratzeak egarri, belardiak irailduta, ogia egiteko ere lanak. Uda gogor doa, eta datorrenak ez dirudi samurragoa. Beroaldiek eragina izan dute Errezilgo Solaka baserriko Eneka Lazkanoren, Sakona etxalde ekologikoko Aiora Etxeberriaren eta Oñazko Zelaiaran baserriko Eli Egigurenen lanetan.

Urolako trenaren 100. urteurrena oso presente izan du 2026ko Udako Printzak zikloak. Atzo eskaini zuten aurtengo emanaldi "bereziena", Ignacio Arakistainen eta Garazi Navasen musika, Maite Lopez Las Herasen olerki errezitaldiak eta Urolako trenean bidaia uztartu zituena. Jendetza bildu zen kontzertu ibiltariaz gozatzeko. 

1986ko uztailean egin zuen Zumarragatik Zumaiara joan-etorrian ibiltzen zen trenak azken bidaia. Data seinalatuan, Guka kalera atera da herritarrek tren hartaz zer oroitzapen gordetzen duten galdetzera.

Aurtengo udan, inoiz baino lehenago iritsi dira karabela portugesak gure hondartzetara. Itsas animalia hauen ziztadak izan ditzakeen ondorio larriak kontutan hartuta, hainbat alditan debekatu behar izan dute bainua sorosleek. Getariako Malkorbe hondartzako Gurutze Gorriko sorosleen esanetan, "arreta handiz" ibili behar da, "uretan begi bistaz erraz ikus baitaitezke karabela portugesak".

Selektibitateko Euskarako zeroen aferak hautsak harrotu ditu. Ikasleentzat "bidegabea" da gertatutakoa, irakasleek "haserretik" bizi dute auzia eta UEMAk "kezkaz"ikusi du jazotakoa. Urola Kostako hainbat ikasle eta irakasleren hausnarketak jaso ditu Gukak, baita UEMAko ordezkariena eta zuzentzaile aritu zen irakasle batena ere. Erreportajea, idatzi nahiz bideoz. 

Urtero bezala, Azpeitiko Amaia eta Ander Segurola anai-arrebek dunba eta marraka hotsen artean oinez egin dute Elosiaga auzotik Abaltzisketarako bidea. 300 ardirekin egin dute transhumantzia antzinako eran, udako hilabeteetan Aralarren larratu dezaten. 

Danborradan irteteko aurrez hamaika lan egin behar izaten dituzte danbor taldeetako kideek. Horretarako, talde bakoitzak batzorde bat izaten du antolatuta. Loiolatxo elkartearen eta Zezenzaleak danbor taldearen ereduak ezagutu ditu Gukak.

2026an ehun urte beteko dira Urolako trena martxan jarri zutenetik, eta urtemuga hori tarteko, horixe da San Sebastian eguneko haurren danborradan aterako duten karrozaren gaia: Urolako trena. Proiektu horren inguruan hitz egin dute Arte eta Diseinu Ikastegiko irakasleek, Juanjo Olaizolak eta Fermin Lasak.

Soreasuko Sebastian Donearen parrokiak gordetzen dituen hainbat garaitako elementu arkitektonikoak eta altxorrak aletu ditu Ander Ugartek parrokiara egindako bisitan. Parrokiaren ataritik hasi eta barrurainoko ibilbidean, eraikinak gordetzen duen ondarearen zati bat ezagutzeko aukera eskainiz.

'Black Friday' izango da bihar, erosleek beherapen handiak espero dituzten eguna. Tokiko merkataritzarentzat erronka handia bihurtu da kanpaina hori.

Erniarraitz bertsozale elkarteak 25 urte bete ditu. Azkoitian, Azpeitian, Errezilen eta Zestoan bertsoaren habia izan da Erniarraitz, Hernio eta Izarraitz magaleko bertsolarien eskola. Bihar egingo dute mende laurdeneko ibilbidea ospatzeko festa, eta horren atarian, erreportaje berezia kaleratu du Gukak. Hastapenetako, ondorengo loraldiko eta gaur egungo bertsolarien eta elkarteko kideen bizipenak jasotzen dira bertan: Laxaro Azkune, Imanol Lazkano, Manuel Agirretxe, Haritz Etxeberria Ministro, Eneritz Artetxe, Jon Gurrutxaga, Naia Arrizabalaga, Joanes Azpillaga eta Suhar Gesalaga.